Farashin litar man fetur mai nau'in E10 a ƙasar ya ƙaru zuwa Yuro 2 da centi 21 she ni mafi girma a tarihi

Farashin man fetur a Jamus ya kai matsayi mafi girma a tarihi, biyo bayan sake barkewar yaƙin Iran, a cewar Ƙungiyar Masu Motoci ta Jamus, ADAC.

Ƙungiyar ta ce matsakaicin farashin litar man fetur mai nau'in E10 a faɗin ƙasar ya ƙaru zuwa Yuro 2 da centi 21 a ranar Laraba.

Wannan farashin ya zarce tsohon tarihi na Yuro 2 da centi 20, wanda aka taɓa samu a watan Maris na shekarar 2022.

ADAC ta ce baya ga tasirin rikicin Iran, ƙarancin ruwa a kogin Rhine ya kuma taimaka wajen ƙara tsadar man fetur, sakamakon ƙarin kuɗin da ake kashewa wajen jigilar man fetur da sauran kayayyaki.

Kogin Rhine na daga cikin muhimman hanyoyin sufuri a Turai, kuma sauyin matakin ruwansa na iya yin tasiri kai tsaye kan farashin jigilar kayayyaki da makamashi.